- Uppgifter
ГОДИШНО ИЗБОРНО СОБРАНИЕ
Вчера на 26 јануари 2025 година во прсториите на Македонското друштво Гоце Делчев, Гетеборг се одржа редовното Годишно собрание на кое присуствуваа голем број на членови. и поканети гости.
Писмено доставениот извешај за работа за реализираната активност за 2024 година беше едногласно прифатен од членовите на друштвото.
Според економскиот извештај, позитивното салдо на друштвото се должи на успешно планираните и рализирани проекти и на домаќинското работење на раководството.
Собранието го прифати предлогот на Управниот одбор за реновирање и уредување на друштвените простории. На следниот проширен состанок на Управниот одбор со раководствата на секциите и комисиите ќе се комплетира овој важен проект
На собранието се дополни Управниот одбор со шест нови членови а за претседател на друштвото е избран Тане Ангеловски, долгодишен и искусен активист
П А
- Uppgifter
СУМИРАЊЕ НА РЕЗУЛТАТИТЕ ОД РАБОТАТА ЗА 2024 година
Во согласност со Статутот на Друштвото и програмата за работа за 2024 година реализирани се голем дел од програмските цели и задачи на Македонското друштво Гоце Делчев, врз основа на следните организациони форми.
Заеднички другарски вечери организирани по повод позначајни датуми од историјата и денови поврзани со обичаите и тадицијата на нашиот народ, како што се Василица, Осми Мрт, Ден на Друштвото, Осми Септември, 11 Октомври, Луциа и Нова Година.
Културни манифестации со цел на презентација и промоција на традиционалните културните вредности, во овј дел спаѓаат Денот на Македонската кулура во Гетеборг, Изложба на ракотворби и Натпревар во кулинарски вештини.
Во соработка со образовната установа АБФ реализирани се неколку курсеви за фолклор, готвење, шиење и изучување на шведски јазик за возрасни.
Поголемиот дел од активностите во тековната година се одвиваа преку секциите и активите.
Женскиот актив покрај своите редовни состаноци, средби, изложби, заеднички вечери има најмногу придонес во рализацијата на активностите на друштвото. Факт е дека во скоро секоја од наведените активности на друштвото, женскиот актив имаше своја улога.
Фолклорната секција редовно ги одржуваше своите проби во две групи. Играорците настапија на неколку манифестации во друшвото, како и на Денота на македонската кулура, на Бакадаген и на Хамаркуле фестивалот. Секцијата организира и неколку диско вечери за децата.
Посебно внимание заслужува да се напомени на мајчинскиот однос према децата на трите поранешни играрки кои што ја водеа фолклорната секција.
Изненадување беше и повторното активирање на поранешните играорки, денес ветерани, кои низ годините наназад биле успешни членови на Фолклорната секција.
Пензионерскиот актив покрај своите редовни состаноци, организира два информативни проширени состаноци во интерес на членовите, еден заеднички излет и една зедничка вечер со закуска.
Просториите на друштвото се секојдневно отворени за средби, другаруања, разменување на мисли и разговори. Тука многумина го користат своето слободно време играјќи разни рекреативни игри, како биљард, шах или друго.
Во соработка со Амбасадата на Република Македонија, организирани се конзуларни денови со цел излегување во пресрет на интересите и потребите на нашите членови и пошироко.
Сумирајќи ги резултатите од работата на друштвото во 2024 година, констатираме дека планираните активности успешно се реализирани со простор и надеж дека новото раководство во 2025 година, ќе постигне уште поголеми успеси во работата.
П А
- Uppgifter
СЕ ГЛЕДАМЕ ВО АВГУСТ
Голема благодарност на сите вас кои што дадовте свој придонес и подршка за реализација на пролетниот дел од планираните дејности на Друштвото „Гоце Делчев„
Ви посакуваме прекрасни летни одмори исполнети со сите ваши очекувања.
Се гледаме повторно при крајот на месец август.
- Uppgifter
ПРОГРАМА 2024 год.
На проширениот состанок на Управниот одбор со раководствата на секциите и активите и комисиите, одржан на 10 февруари 2024 година, се дефинира програмата на централните манифестации на друштвото за 2024 год.
14.01 Стара Нова Година - Василица
28.01 Годишно Собрание
09.03 Осми Март - игранка
24.03 Изложба на ракотворби
13.04 Генерално чистење на просториите
20.04 Кулинарски натпревар
28.04 Ден на Македонската култура
01.05 Ден на Друштвото - Први Мај
05.05 Велигден
06.06 Шведски национален ден
02.08 Илинден
08.09 Ден на независноста на Македонија- коктел
12.10 11 Октомври - игранка
16.11 Средба на жените - Kvinnoträff
15.12 Луциа со македонска трпеза
31.12 Нова Година
Покрај овие датуми, секциите и активите ќе ги комплетираат своите дејности како што се натпревари, предавања, средби, излети, настапи и друго во слободните термини од програмата.
На состанокот беа предложени повеќе инцијативи и предлози за реализација на годишната програма и остварување на програмските цели на друштвото.