Од Годишното собрание на 20.01.2019

Вчера, на 20 јануари се одржа редовното Годишно собрание на Македонското друштво „Гоце Делчев„ од Гетеборг.

По усвојувањето на извештајот за работа и финансискиот извештај за минатата година се донесе програмата и финанскиот план за ова календарска година. Посебен акцент во програмата за работа беше наоѓање на начин за активирање на младата популација во друштвената активност.

Собранието избра ново раководство на чело со досегашниот претседател Гоце Џуков.

П.А

 

Управниот одбор на Друштвото „Гоце Делчев„ Ве поканува да учествувате на

РЕДОВНОТО ГОДИШНО СОБРАНИЕ

на Македонското друштво „Гоце Делчев„ што ќе се одржи во недела на 20 јануари 2019 год

со почеток во 13.00 часот во просториите на Друштвото --Rimmaregatan 8

Добро сте дојдени

************************************************************************************

Во интерес на друштвото потребни се нови членови во Управниот одбор, кои ќе бидат подготвени да одвојат по два-три часови неделно

Доколку имате предлог за некое лице за кое што сметате би било соодветно за работа во раководството на друштвото, ве молиме вашиот предлог да го доставите до Кандидационата комисија или е:маил: Den här e-postadressen skyddas mot spambots. Du måste tillåta JavaScript för att se den.

Македонското друштво „Гоце Делчев„ ќе организира заеднички дочек на Новата година, во просториите на Друштвото. Гостите ќе ги забавува оркестарот Тип Топ и пеачот Таше Каранфиловски од Македонија.   Цената на влезницата со конзумација е 350 кр.

Резервации на карти на тел. 0704-833 338  Крсте

ЛУЦИА

Во недела на 16 декември, со почеток во 15.00 часот, Друштвото „Гоце Делчев„, ќе го прослави шведскиот традиционален празник Луциа, со детски песнички, колачиња, луцеркатер и глег.    На децата Дедо Мраз ќе им подели мали подароци.

Истата вечер (16-12-2018) со почеток во 17.00 часот, во знак на реализираните активности во 2018 година, Управниот одбор ќе припреми заедничка трпеза „Јулбурд„

Добро сте дојдени на ова заедничко дружење.

Bilden kan innehålla: en eller flera personer, personer som sitter och barn

Во далечната 1978 година една генерација храбри жени се договараат и ги поставуваат темелите на Женскиот актив при Македонкото друштво „Гоце Делчев„- Гетеборг.

Од самиот почеток па до ден денес Женскиот актив е главниот носител и креатор на активностите на друштвото, одноно животот во друштвото постојано се збогатуваше со нови сили и плодотворни идеи.

За време на четири децении, активот одигра важна улога во подобрувањето на културно забавниот живот во Гетеборг и пошироко. Женскиот актив има реализирано многу изложби, модни ревии, предавања, средби на жени „kvinnoträff"со разни националности, курсеви, излети, како и низа проекти од културата - традицијата и интеграцијата.

По повод повод 40 -годишниот јубилеј на плодна и успешна работа на Женскиот актив, Македонското друштво „Гоце Делчев„ ве информира дека на 13 октомври 2018 година со почеток во 19,30 часот ќе се одржи јубилејна прослава.

Честит нека им е јубилејот со желба успесите да се множат и понатаму.

На денешниот проширен работен состанок на кој што учествуваа членовите на Управниот одбор, раководствата на Женскиот и Пензионерскиот актив, како и Ревизионата и Кандидационата комисија се прифати Планот и програмата за работа за 2018 година.
Покрај утврдувањето на датумите за поважните настани на состанокот се бараа решенија за реализација на планираните активности
Најголем интерес кај присутните предизвика активностите со децата и младината, организирање на предавања и проекти како и одржување на просториите.
За време на состанокот, на долгодишниот активист Тане Ангеловски му беше поклонето букет цвеќе за неговиот 65 годишен роденден, а пак тој им возврати на писутните со чаша ракија и торта.